2021 жылдың негізгі түстері қандай?
АҚШ-тағы түс институтының мамандары 2021 жылдың негізгі түсін анықтады.
Алматы, NEGE. Америкалық Pantone түс институтының (Pantone Color Institute) мамандары 2021 жылдың екі негізгі түсін анықтады. Олар – қою сұр 17-5104 Ultimate Grey және қанық сары 13-0647 Illuminating. Pantone директоры Леатрис Эйсманның айтуынша, бұл түстер үйлесімі төзімділік пен үміт сезімін береді. Естеріңізге сала кетейік, ұйымның пікірінше, 2020 жылдың түсі сабырлық пен сенімділікті бейнелейтін классикалық көк түс болды. Pantone әлемдегі дизайнерлер мен жарнама берушілердің болашақта өз жұмыстарына ұтымды қолдана алатын түстерді зерттейді.
