1 мыңнан астам автокөлік айып тұрағына қойылды
Нұр-Сұлтан қаласында карантин режимін бұзғаны үшін 1 мыңнан астам автокөлік айып тұрағына жіберілді, деп хабарлайды «Хабар 24».
Алматы, NEGE. Құқық бұзушылар көбейген соң елордада қосымша осындай 4 тұрақ ашылған. Қазір тәртіп сақшылары шаһардағы бақылауды күшейтті. Олар тәулік бойы кезекшілік атқарып жатыр. Өткізу-бақылау бекеттеріндегі жағдай дрон арқылы бақыланады. Жалпы, қалада төтенше жағдай режимін бұзған 2 700-ден астам азамат әкімшілік жауапкершілікке тартылды. 200-ге жуығы қамауға алынып, 1800-ден астамына айыппұл салынды. Еске сала кетейік, карантин режимі сәуір айының соңына дейін ұзартылды. Сол себепті, адамдарға себепсіз көшеде жүруге қатаң түрде тыйым салынады.
