1 қазанға дейін мүлік және жер салығын төлеу керек
Мемлекеттік кірістер комитеті 2021 жылдың 1 қазанына дейін қазақстандықтар мүлік пен жер салығын төлеуі тиіс екенін мәлімдеді.
Алматы,NEGE. Осы орайда комитет мамандары салық заңнамасына өзгеріс енгізілгенін еске салды. Оған сәйкес, 2020 жылы 1 қаңтардан бастап жеке тұлғалардың меншік құқығына тиесілі жер учаскелері және жылжымайтын мүлік бойынша салықтар бірыңғай мүлік салығы болып біріктірілді. Сол себепті салықтың есептелген сомасы жылжымайтын мүлік пен жер учаскесі бойынша міндеттемелерді қамтиды және бірыңғай сомамен төленеді.
"2020 жылға мүлік салығын төлеу мерзімі 2021 жылғы 1 қазанда аяқталады", - дейді мамандар.
Мүлік салығының сомасын төлеу мерзімі басталғанға дейін "E-salyq Azamat" мобильді қосымшасында, сондай-ақ Kaspi.kz және Homebank банктерінің мобильді қосымшаларында kgd.gov.kz "Алдағы төлемдер" сервисінен білуге болады. Сол жерде бірден төлем жасауға мүмкіндік бар.
Бұдан басқа, салық салу объектілері бойынша ақпаратты "E-salyq Azamat" мобильді қосымшасының "Салық әмияны" бөлімінде көруге болады. Орналасқан жері бойынша мемлекеттік кірістер басқармасына хабарласуға болады.
Қазір оқып жатыр
Kaspi.kz Астанада өтетін IOAI 2026 халықаралық жасанды интеллект олимпиадасының бас серіктесі болды
Іздеуде жүрген төрт қазақстандық ҰҚК арнайы жасағының конвойымен елге жеткізілді
Қазақстанда медианалық жалақы 331 мың теңге болды
Ең қымбат күзетші. Инвестициялық қор НЕГЕ өзін-өзі асырай алмай қалды?
