175 тонна пішен өртенді
Шығыс Қазақстан облысының Тарбағатай ауданында 175 тоннатпішен өртенді.
Алматы, NEGE. ШҚО төтенше жағдайлар департаменті баспасөз қызметінің мәліметіне сүйенсек, Тарбағатай ауданында құтқарушылар өртенген шөпті сөндірді.
«Өрт түнде Екпін ауылындағы шаруа қожалықтарының бірінде шыққан. Тілсіз жау 175 тонна пішенді шарпыды. Отты ауыздықтауға жеке құрамнан 8 адам, 3 өрт сөндіру көлігі мен шаруа қожалығынан 1 трактор жұмылдырылған. Бүгін сағат 7.52-де өрт оқшауланды», - деп хабарлады ведомство өкілдері.
Қазіргі уақытта мамандар оқиға орнында жұмыс істеп жүр. Өрттің қайдан, қалай шыққаны анықталып жатыр.