16 жастағы Шерзат Болаттың өлімі – ІІМ қайғылы оқиғаның видеосын көрсетті
ІІМ бірінші орынбасары Бауыржан Аленов дүкенде 4 қазанда болған оқиғаның видеосын көрсетті.
Алматы, NEGE. Видеода 4 қазанға қараған түні Талғардағы «Қамажай» дүкенінде болған оқиға таспаланған.
Видеодан Шерзаттың өліміне қатысты күдіктілердің бірі екі бөтелке сыра мен 4 темекі сатып алғанын көруге болады. Алайда төлем бірден жасалмаған. Біраз уақыттан соң ер адам тағы бір бөтелке сыра алып, оны қолма-қол ақшамен төлейді. Кейін күдікті дүкенге қайта оралып, телефонды қуаттауды сұраған. 4 минуттан соң келіп, телефонын алып кеткен. Әрі қарай оқиға дүкен сыртында жалғасады.
Ер адамдар арасында жанжал басталып, арты төбелеске ұласқан.
