16 жастағы қызды сыныптастары секс-құлдықта ұстаған – Жәбірленушінің анасы оқиғаның қалай болғанын айтып берді
Қызылорда облысында жезөкшелікпен айналысуға мәжбүр болған 16 жастағы қыздың анасы жантүршігерлік оқиғаның мән-жайын айтып берді.
Алматы, NEGE. Анасының айтуынша, қызын жезөкшелікпен айналысуға сыныптасы итермелеген.
Бір топ жасөспірімнің оны сағат сайын, бірнеше күн қатарынан «жұмыс істеуге» мәжбүрлегені белгілі болды. Өйтпеген күнде олар қыздың ваннада киім ауыстырып жатқаны түсірілген видеоны таратамыз деп қорқытқан. Жәбірленуші қыздың ақша аударымдарын тексеру барысында 7 мыңнан астам еркектің банк қосымшасынан төлем жасағаны белгілі болды. Күдіктілер ай сайын оған қиянат жасап, 3 миллион теңгеге жуық пайда тауып отырған.
Олны kyzdar.net сайтына тіркеген. Егер жәбірленуші қыз сыныптастарына уақытында ақша жібермесе, олар келіп, ұрып-соғып, азаптайтын болған.
Мектеп мұғалімдері жәбірленуші қыздың анасын ата-ана құқығынан айырамыз, баланы арнайы мектеп-интернатқа жібереміз деп қорқытқан.
Полиция оқиға бойынша тергеу жүріп жатқанын мәлімдеді. Тергеу кезінде күдіктілер «үйқамаққа» алынды.