16 шілдеге арналған ауа райы болжамы қандай?
Бүгін еліміздің батысында, солтүстік-батысында, солтүстігінде және шығысында күндіз бұршақ жаууы мүмкін.
Алматы, NEGE. Қазгидромет мәліметінше, еліміздің қалған аумақтарында антициклон жотасының әсерінен ауа райы жауын-шашынсыз болады. Республика бойынша жел күшеюі мүмкін.
Астанада күн бұлтты. Күндіз ауа температурасы +27+29°C, түнде желдің жылдамдығы 3-8 м/с, күндіз 9-14 м/с, кей уақыттарда екпіні 15-20 м/с-ге жетеді.
Алматыда күн ала бұлтты. Күндіз ауа температурасы +33+35°C, желдің жылдамдығы 3-8 м/с.
Шымкентте күн ашық. Күндіз ауа температурасы +35+37°C, желдің жылдамдығы 5-10 м/с.