13 шілдеде Айда ерекше құбылыс болады
13 шілдеге қараған түні қазақстандықтар 2022 жылғы ең үлкен суперайды тамашалай алады, - деп хабарлайды Tengrinews.kz.
Алматы, NEGE. Бұл күні Аймен байланысты екі маңызды астрономиялық сәт сәйкес келеді: Айдың жерге жақындаған сәті (перигей) және Айдың толуы.
Айдың жерге жақындаған сәті (перигей) 13 шілдеде сағат 9:09-да болады: Ай Жерге 357 263 шақырымға жақындап, 2022 жылы ең аз қашықтықта болады. Айдың көрінетін диаметрі 33 минут 27 секунд. 13 шілдеде астана уақытымен 18.38-де ай толады.
"Толған ай көкжиектен сағат 21:00-ден кейін (Нұр-Сұлтан уақыты бойынша 18:00-ден кейін) көрінеді, содан кейін оңтүстік көкжиектен максимал биіктігіне жетеді. Ауа райы ашық болса, шығыста Супераймен бірге қабаттасқан екі планетаны көруге болады - Сатурн және (шығысқа қарай) Юпитер", - деді планетарий өкілдері.
Суперай - бұл толған айдың Жерге 362 000 шақырымға жақындаған сәті. Айдың жерге жақындаған сәті (перигей) мен толған ай шамамен 3 күндей болады. Бұл екі сәттің сәйкес келуі (перигей және толған ай) жыл сайын болатын құбылыс, бірақ жақын сәйкес келуі (9 сағаттан аз) өте сирек кездеседі. 2022 жылғы 13 шілдеде перигей мен толған ай арасындағы айырмашылық 9,5 сағаттан сәл ғана асады.