12-14 шілдеге арналған ауа райы болжамы жарияланды
Синоптиктер Қазақстанда 2022 жылдың 12-14 шілдесіне арналған ауа райы болжамын ұсынды.
Алматы, NEGE. Синоптиктердің болжамы бойынша алдағы күндері нөсер жаңбыр жауып, найзағай ойнайды.
- Республиканың басым бөлігінде күн жылынған сайын ауа массалары тұрақсыз болады,12-13 шілдеде орталықта және шығыста қатты жаңбыр жауып, найзағай ойнайды, екпінді жел соғады. Республика бойынша, бұршақ жаууы мүмкін. Тек республиканың батысы мен оңтүстік-батысында жауын-шашынсыз ауа райы және өте қатты ыстық болады, - деді «Қазгидромет» РМК.
Ауа температурасының негізгі фоны күндіз батыста +34+42°С, оңтүстік-батыста +40+45°С, солтүстік-батыста +28+35°С-тан +30+40°С дейін көтеріледі, солтүстікте +25+33°С-тан +22+30°С-қа дейін ауытқиды, орталықта +22+30°С, шығыста ауа температурасы +22+32°С-тан +17+25°С-қа дейін төмендейді. , оңтүстікте ауа температурасы +29+37°С-тан +32+40°С-қа дейін, республиканың оңтүстік-шығысында +22+32°С-тан +25+35°С-қа дейін көтеріледі.