Дүние
11 жасар оқушы мектепке қару алып барған
Мексикада 11 жастағы оқушы мектеп ішіне қару алып кіріп, жағалай оқ атқан.
Алматы, NEGE. Салдарынан бір мұғалім мерт болып, тағы 6 адам жарақат алды. Олардың бесеуі 7 мен 13 жас аралығындағы балалар, қалған біреуі ересек адам. Ал оқ атқан жеткіншек соңынан өз-өзіне қол жұмсапты. Әзірге оқушының неге бұлай істегені белгісіз. Қанды оқиғаға ел президенті де алаңдап, қаза тапқандардың туған-туыстарына көңіл айтты.