118 млн теңге және көлік: БҚО-да бухгалтер 1XBet-ке бюджет қаражатын тіккен
Батыс Қазақстан облысының прокуратурасы аса ірі мөлшерде бюджет қаражатын жымқыру фактісін анықтады.
Астана, NEGE. Прокуратура мәліметінше, өңірдегі кәсіпорындардың бірінің лудоманияға шалдыққан бухгалтері компания қаражатын заңсыз пайдаланып, оны 1XBet букмекерлік кеңсесінде бәске тіккен. Сондай-ақ, ұрланған ақшаға жаңа автокөлік сатып алған.
«Мемлекетке келтірілген жалпы залал – 118 миллион теңге.
Бөтен мүлікті аса ірі мөлшерде заңсыз иемдену фактісі бойынша Қазақстан Республикасы Қылмыстық кодексінің 189-бабы 4-бөлігінің 2-тармағына сәйкес сотқа дейінгі тергеп-тексеру басталды. Тергеуді арнайы прокурорлар жүргізуде», – делінген Бас прокуратура хабарламасында.
Сот санкциясымен күдікті тергеу изоляторына қамалып, автокөлігіне тыйым салынды.
Айта кетейік, өткен жылы Батыс Қазақстан облысында букмекерлік кеңселерде бәс тігуге қатысқаны үшін түрлі мемлекеттік органдардың 16 қызметкері жұмыстан босатылған.
Қазір оқып жатыр
Сайлауалды науқанның бірінші аптасы қалай өтті: сарапшылар «Әділет» партиясының әлеуетіне қандай баға берді
Еурокубок тек бедел емес: «Қайрат» пен «Тобылдың» жеңісі Қазақстанға не үшін қажет?
Жамбыл облысында төрт теміржолшының қазасына кінәлілерге үкім шықты
Қазақстанда МӘМС жарнасын төлеу қағидасы жаңартылды: не өзгерді?
