110 рет қошқар көтерген қарағандылық жұртты сүйсінтті
Қарағандыдағы Кеншілер мәдениет сарайының алаңында Наурыз мейрамын тойлау кезінде ұлттық ойындардан жарыс өтті, - деп хабарлады
"Индустриальная Караганда".
Алматы, NEGE. Мұнда ерлер кір тасын, тірі қошқарды көтеріп, арқан тартысқа да қатысты. Қошқар көтеру сайысында Шыңғысхан Батырхан жеңімпаз атанды, ол қошқарды 110 рет көтерген. Бұған дейін ол кір көтеру сайысында қазы мен жылқы етін ұтқан. Осыдан кейін жас жігіт жүре алмай қалған. Тізесі дірілдеп, сөйлеуге шамасы болмаған.
Тағы бір қатысушы, ағадырлық Ниетхан Төлеухан бір минутта 16 келі болатын кір тасын 54 рет көтерді.
Жарыстың барлық жеңімпазы мен жүлдегеріне ет, құрт және тәттілер түріндегі сыйлықтар берілген.