10 адам қаза тапты: АҚШ-та супермаркет қызметкері оқ атты
Атыс Вирджиния штатының Чесапик қаласындағы Walmart супермаркетінде болды.
Алматы, NEGE. 10-ға жуық адам қаза тапты, жараланғандар да бар, деп хабарлады жергілікті WAVY-TV телеарнасы.
Оқиға туралы қоңырау полиция бөлімшесіне сейсенбі күні сағат 22.12 шамасында түскен. Полиция қаза тапқандар мен жараланғандар туралы толық ақпарат берген жоқ.
Полицияның мәліметінше, оқ атқан адамның өзі де өлген.
Куәгерлердің бірі оқ жаудырған адамның супермаркет қызметкері екенін айтты.
