100 отбасы баспанасыз қалды
Мексиканың Нуэво-Леон штатындағы Монтеррей қаласының тұрмысы төмен отбасылар мекендеген ауданында өрт шығып, 100 отбасы баспанасыз қалды. Үйлердің бәрі адамдар қолына түскен материалмен жасап алған күрке-лашықтар, деп хабарлайды El Milenio газетінің сайты.
Алматы, NEGE. Алдын ала мәлімет бойынша, бірнеше жүздеген адам баспанасыз қалған. Өртті 4 өрт сөндіру бөлімінің мамандары бірнеше сағат арпалысып, өшірген. Қаза тапқандар мен жапа шеккендер туралы мәлімет жоқ. Өңір билігі уақытша баспана жасап, үйсіз қалғандарды сонда топтастыруда. Өрттің неден шыққаны әзірше белгісіз. Бір ғана «үйді жылыту кезінде от жағу қауіпсіздігін сақтамаған болуы мүмкін» деген болжам бар. Себебі жексенбіге қараған түні бұл өңірде ауа температурасы -1 градусқа дейін төмендеген.
