1 тамыздан бастап Қазақстанда темекі қымбаттады

Астана, NEGE. Тиісті өзгеріс 22 шілдеде Қаржы министрінің бұйрығымен енгізілді.

«2026 жылғы 1 тамыздан бастап сүзгісі бар және сүзгісіз темекінің, папиростың, сигарилланың және қыздырылатын темекі өнімдерінің 20 даналық қаптамасының ең төменгі бөлшек сауда бағасы 1 060 теңге болып бекітілсін», – делінген бұйрық мәтінінде.

Бұл ең төменгі баға 2026 жылдың соңына дейін қолданылады.

Ал 2027 жылғы 1 қаңтардан бастап темекі өнімдерінің ең төменгі бағасы 1 120 теңгеге дейін көтеріледі.

Айта кетсек, бұған дейін, яғни 2026 жылғы 1 қаңтардан бастап ең төменгі баға 970 теңге болып белгіленген еді.