1 тамыздан бастап электр энергиясының тарифтері көтеріледі
Энергетика министрінің міндетін атқарушы 2025 жылғы 29 шілдедегі бұйрығымен электр энергиясына шекті тарифтерге өзгерістер енгізді.
Алматы, NEGE. Құжат электр энергиясын сататын компаниялардың келесі топтары үшін тарифтерді көтеруді көздейді:
– Т.И.Батуров атындағы Жамбыл ГРЭС-і тарифтерді кВт/сағ үшін 22,58 теңгеден 23,25 теңгеге дейін көтереді.
– Ақтөбе ЖЭС – кВт/сағ үшін 17,54-тен 18,19 теңгеге дейін.
– "Жайықтеплоэнерго" АҚ – 13,25 теңгеден 13,95 теңгеге дейін.
– МАЭК-Қазатомөнеркәсіп – 22,16 теңгеден 23,26 теңгеге дейін.
– "Crystal Management" АҚ – 15,27 теңгеден 16,09 теңгеге дейін.
– "Ақтөбе рельс-арқалық зауыты" ЖШС – 21,11 теңгеден 23,58 теңгеге дейін.
– "Z-Энергоорталық" – 16,77 теңгеден 18,46 теңгеге дейін.
– "Қызылорда жылу-энергетика орталығы" – 12,10 теңгеден 13,13 теңгеге дейін.
– "Батые Пауэр" ЖШС – 15,89 теңгеден 17,63 теңгеге дейін.
– "Karabatan Utility Solutions" ЖШС – 10,67 теңгеден 13,06 теңгеге дейін.
– "OzenMunaiProm" ЖШС – 26,92 теңгеден 28,68 теңгеге дейін.
– "ТНК "Қазхром" АҚ – 10,67 теңгеден 11,65 теңгеге дейін.
– "ССГПО" АҚ – 18,82 теңгеден 18,94 теңгеге дейін.
Сондай-ақ 63-ші топтағы энергия өндіруші ұйымдар үшін тариф бір кВт/сағ үшін 44,02 теңге болып белгіленді.
Бұйрық 2025 жылдың 1 тамызынан бастап қолданысқа енгізіледі.