1 тамыздан бастап ChatGPT-ге жазылу құны қымбаттайды
2025 жылғы тамыз айынан бастап OpenAI компаниясы Қазақстандағы ChatGPT Plus қызметіне жазылу бағасына қосылған құн салығын (ҚҚС) қоса есептейтінін хабарлады.
Алматы, NEGE. Қазіргі 12% ҚҚС мөлшерлемесіне сәйкес, жазылу бағасы айына 20 доллар болатын. Енді ол 22,40 долларға дейін өседі.
OpenAI-дың хабарлауынша, егер заңды тұлғалар мен жеке кәсіпкерлер аккаунттың салық деректерінде БСН-дерін 1 тамызға дейін көрсетсе және ҚҚС төлеуші ретінде тіркелген болса, қосымша төлемнен босатылуы мүмкін. Әйтпесе ҚҚС автоматты түрде жазылым бағасына қосылады.
Айта кетейік, мамыр айында Мемлекеттік кірістер комитеті OpenAI компаниясының Қазақстанда ҚҚС төлеуші ретінде тіркелгенін мәлімдеген еді.
Естеріңізге сала кетейік, 2026 жылдан бастап елде ҚҚС мөлшерлемесі 16%-ға дейін өседі.
