1 млн-нан астам ауыл тұрғыны жоғары жылдамдықты интернетке қол жеткізеді – Қазақтелеком
«Қазақтелеком» АҚ басқарма төрағасы Бағдат Мусин Үкімет отырысында әлеуметтік нысандар мен ауылдық аумақтарды интернетпен қамтамасыз ету бойынша жүргізіліп жатқан жұмыстар туралы айтып берді.
Алматы, NEGE. Оның айтуынша, кеңес кезінен келе жатқан мыс кабельдерін түгелдей шыны-талшықты желіге ауыстыру мақсатындағы «Тазарту» жобасы жалғасып жатыр. Бүгінгі таңда бұл жұмыстар аясында 340 мың абонент жаңа желіге көшірілді.
«Одан басқа "Сапа+" жобасы аясында биыл тұрғын үйлер мен пәтерлерде 360 мың роутер жаңартылып, заманауи жылдамдығы жоғары интернетке қолжеткізуге мүмкіндік алды. Сондай-ақ елімізде бұрын болмаған үш мыңнан астам ауылды жоғары жылдамдықты интернетке қосу "Ауылline" жобасы аясында басталып кетті. Ол ЖИ министрлігінің көмегімен жүзеге асуда. 1,5 жылдың ішінде 500-ден астам жерде Amazon, StarLink сияқты жер серіктестері арқылы интернетке қосылатын болса, 2500 ауылға дейін шыны-талқышты желі тартылмақ. Жоба аясында 5 мыңнан астам мектеп, денсаулық сақтау нысандары және мемлекеттік мекемелер желіге қосылады. Ал ең бастысы 1 млн-нан астам ауыл тұрғыны жоғары жылдамдықты интернетке қол жеткізбек»,
— деді Бағдат Мусин.
Қазір оқып жатыр
Алматы, Шымкент, Түркістан және Ұлытау ЭКСЖ ұлттық жобасы бойынша артта қалды
Бозымбаев: Коммуналдық желілердің тозуын 2029 жылға дейін төмендетуіміз керек
Таразда 19 жастағы қызды алып қашқан Алматы облысының үш тұрғынына үкім шықты
Алматыда полицейлер жүзден астам автобусты айыппұл тұрағына алып кетті
