Алматыда Медеуден Шымбұлаққа дейінгі жол уақытша жабылады

Алматы, NEGE. Қала әкімшілігінің хабарлауынша, "Медеу" мемлекеттік өңірлік табиғи паркі" КММ аумағында жыл сайынғы Alatau Run-2024 тау жарысы өтеді.

"Тау жарысы екі қашықтық бойынша, яғни веложарыс пен жаппай жүгіруді, сондай-ақ жаяу тауға көтерілуді қамтиды: Медеу – Горельник, Медеу - Шымбұлақ, үш негізгі дисциплина бойынша: жүгіру, велосипед пен скандинавиялық серуендеу", - дейді Алматы қаласы әкімдігі.

Сағат 07.30-дан 10.30-ға дейін Керей-Жәнібек хандар көшесі бойымен "Медеу" СК-нің іргелес бөлігіндегі тұрақтан "Шымбұлақ" МК-ге дейінгі қозғалыс ішінара жабылады.

Іс-шараны өткізу мен аталған аймақта жүріп-тұрудың шектелуі Алматы қаласының тұрғындары мен қонақтарының жаяу көтерілуі мен серуендеуіне әсер етпейді.