Дүние
Италияның солтүстігінде су тасқыны болды
Нөсер жауынның салдарынан Италияның солтүстік аймақтары су астында қалды, әсіресе Падуя мен Виченца қалалары зардап шекті. Бұл туралы ҚазАқпарат хабарлады.
Астана, NEGE. Жергілікті БАҚ-тың хабарлауынша, Падуа маңындағы Музон-де-Сасси өзені жұма күні таңертең қатты жаңбыр салдарынан арнасынан асып кеткен. Төтенше жағдайлар қызметі адамдарды құтқару үшін қайық пайдаланып жатыр, ал оқиға орнынан түсірілген кадрларда көліктердің көшелермен жүзіп бара жатқанын көруге болады.
Венето аймағының губернаторы түнгі ауа райын «су бомбасы» деп сипаттады. Венетода азаматтық қорғау органдары жергілікті уақыт бойынша 14:00-ге дейін қызыл дабыл жариялады, онда су деңгейі 30 минут ішінде жауған 70 мм жаңбырдан кейін бірден көтерілді.
Миланда бір күнде 130 мм-ге дейін жауын жауып, су тасқынына әкелді.
Жергілікті бақылаушылардың айтуынша, мамырдағы жауынның мұндай қарқындылығы 170 жылдан астам уақыт бойы тіркелмеген.