Алматыда 4 ай бұрын жоғалып кеткен ер адамның денесі табылды
Алматыда 2023 жылдың желтоқсан айында із-түзсіз жоғалып кеткен ер адамның денесі табылды, деп хабарлайды Kazinform.
Алматы, NEGE. 1990 жылы туған Ршимов Айян Едігеұлы 2023 жылдың 13 желтоқсан күні жоғалып кеткен.
Кешке қарай Медеу ауданы, Талғат Бигелдинов көшесі, 74 мекенжайындағы үйінен шығып, сол күйі қайтып оралмаған.
Еріктілердің айтуынша, ер адам қайтыс болған. Оның денесі 10 сәуірде табылды.
Алматы қалалық полиция департаменті ақпаратты растады.
«Өз-өзіне қол салу дерегі бойынша тергеу жүріп жатыр. Оқиғаның себебі мен мән-жайы анықталып жатыр», - деп хабарлады ведомстводан.
