Эльбрус тауынан түсе алмай қалып, аяғын үсік шалған қазақстандық альпинист құтқарылды
Қазақстандық альпинист Эльбрус тауында тұрып қалды. Биіктен түсу үшін оған және тағы бір адамға құтқарушылардың көмегі қажет болған. Бұл туралы Stan.kz хабарлайды.
Астана, NEGE. Бұл туралы Ресей төтенше жағдайлар министрлігінің Кабардин-Балқар бойынша баспасөз қызметі мәлімдеді. Алдын ала мәлімет бойынша, туристердің аяғын үсік шалған.
Альпинистер бес мың метр биіктікте тұрып қалғаны нақтыланды. Оларға көмекке 9 адам мен 2 техника келген. Сағат 23:34-те іздестіру-құтқару жұмыстары аяқталды, альпинистерге Гара-Башы станциясында 3850 метрге түсуге көмек көрсетілді, олар одан әрі көмек көрсетуден бас тартқан.
Сондай-ақ, топ құрамында қазақстандық гид пен орыс әйел болғаны айтылады.
