2 Маусым 19:24
Қарағанды облысында жоғалып кеткен екі балықшының бірінің денесі табылды
![ТЖД](/static/img/plug.jpg)
Шахтинск қаласынан екі шақырымдағы Ленин атындағы шахта аймағындағы жасанды су қоймасында 1958 және 1967 жылы туған екі ер адамды іздестіру жұмыстары жүргізіліп жатыр.
Алматы, NEGE. Өңірлік ТЖД мәліметінше, олар 1 маусымда қайықпен су айдынына шығып, сол күйі кері оралмаған.
"2 маусымда сағат 04:00-де жедел-құтқару жасағының күшімен жағадан 500 метр қашықтықта моторлы қайық ішінен 1958 жылы туған ер адамның денесі табылып, жағаға шығарылды. Оқиғаның мән-жайы мен өлім себебі анықталуда", – делінген хабарламада.
Ал 1967 жылы туған ер адамды іздеу жұмыстары ары қарай жалғасуда.
Іздестіру жұмыстарына ТЖД, полиция департаменті және еріктілердің күштері жұмылдырылды.