21 сәуірде еліміздің төрт қаласында ауа сапасы нашарлайды деп болжанды
"Қазгидромет" РМК 21 сәуірде Қазақстан қалаларындағы ауа сапасы қалай болатынын айтып, өз болжамын жариялады, деп хабарлайды Zakon.kz.
Алматы, NEGE. Синоптиктердің болжамынша, 21 сәуірде ауаның ластануына байланысты Ақтөбе, Астана, Алматы, Қостанай қалаларында қолайсыз метеорологиялық жағдайлар туындауы мүмкін.
Қолайсыз метеорологиялық жағдайлар (ҚМЖ) – атмосфералық ауаның беткі қабатында ластаушы заттардың жиналуына ықпал ететін метеорологиялық факторлардың қысқа мерзімді ерекше жиынтығы. Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы мүмкін.
Мұндай ауа райы кезінде:
Көшеде, әсіресе, тасжолдардың бойында жүруді азайту керек;
Балалар мен жүкті әйелдер ұзақ уақыт серуендемегені жөн;
Созылмалы өкпе, жүрек-қан тамырлары, аллергиямен ауыратын адамдар дәрі-дәрмегін өзімен бірге алып жүруі тиіс;
Таза ауадағы физикалық белсенділікті шектеңіз;дене шынықтыру және спорттық іс-шараларды жабық спорт кешендерінде өткізу керек.
