Fitch Қазақстанның тәуелсіз кредиттік рейтингін растады
Бұл жайында Ұлттық экономика министрлігі мәлімдеді, деп жазады inbusiness.kz.
Астана, NEGE. Fitch Ratings халықаралық рейтинг агенттігі Қазақстанның тәуелсіз кредиттік рейтингін "BBB" деңгейінде растады, болжам — "тұрақты".
Еліміздің рейтингін қолдайтын негізгі факторлардың қатарына — елеулі сыртқы буферлер, шетел валютасындағы резервтер, тұрақты фискалдық жағдай, мемлекеттік қарыздың төмен деңгейі, сондай-ақ сыртқы тәуекелдерге орташа әсер ету еніп отыр.
Fitch Ratings сарапшылары валюталық резервтердің одан әрі нығаюын, сондай-ақ импорттың қалыпты өсуі және мұнай өндіру мен экспорт көлемінің ұлғаюы аясында ағымдағы шот тапшылығының қысқаруын болжауда.
Fitch пікірінше, бюджет шығыстарының өсуін шектейтін жаңа фискалдық ережелер және Қазақстанның Ұлттық қорынан кепілдендірілген трансферт салық-бюджет саясатын нығайтуға тиіс.
Бұған қоса, Fitch қайталама санкцияларды енгізудің салыстырмалы түрде төмен тәуекелдерін және олардың Қазақстан экономикасына әсерін атап өтті.