Алматыда жолаушылар мінген автобус пен жеңіл көлік соқтығысып, бір адам опат болды
Кеше, 27 қаңтарда сағат 09:00-де Алматының Алатау ауданында жолаушылар автобусы мен жеңіл көлік соқтығысты, деп хабарлайды Zakon.kz.
Алматы, NEGE.Полицейлердің хабарлауынша, Chevrolet көлігінің 2003 жылы туған жүргізушісі Емцов көшесімен солтүстік бағытта жүріп келе жатқан. Рысқұлова даңғылының солтүстігінде ол рөлге ие бола алмай, қарсы жолаққа шығып кетіп, автобуспен соқтығысқан.
"Жол апаты салдарынан Chevrolet жүргізушісі оқиға орнында қаза тапты. Автобустағы төрт жолаушы медициналық көмекке жүгінді. Бұл факті ҚР Қылмыстық кодексінің 345-бабының 3-бөлігі бойынша тіркелді",- дейді Алматы полиция департаментінің баспасөз қызметі.