Қырғызстанда сел ағызып әкеткен төрт адамның денесі Өзбекстаннан табылды

Алматы, NEGE. Оның денесін көрші елдің құтқарушылары 16 шілдеде тапты.

Мұның алдында 146 маман жоғалған әйелді іздеуге жұмылдырылған еді.

Еске сала кетейік, 14 шілдеде Қырғызстанның Ош облысында толассыз жауыннан кейін өзендер арнасынан шығып, Ош қаласы мен ауылдарда сел жүріп өткен болатын.

Қалада төтенше жағдай жарияланды.

Тасқын «Молбұлақ» демалыс орталығында тұрып жатқан 4 адамды ағызып әкетті. Олардың бәрі — бір отбасының мүшелері, яғни 44 жастағы анасы мен 19, 10 және 6 жасар үш қызы.

Қыздардың денесі Өзбекстан аумағындағы Шахрихансай каналынан табылған. Ал анасының мәйіті Ақбура өзенінен шығарылды.

Ош облысындағы күшті селден кейін Қарасу аудандық электр желілерінен электр қуатын алатын 7,5 мың тұтынушы жарықсыз қалды.

134 үйді су басып, 17 үйдің қоршауын қиратты.