Ұлттық ұлан Бас қолбасшысының орынбасары ұсталды
Ұлттық ұлан Бас қолбасшысының орынбасары Константин Воронкиннің ұсталғаны туралы ақпаратты Ішкі істер министрлігінің ресми өкілі Шыңғыс Әлекешев растады.
Алматы, NEGE. «Ішкі істер министрлігі Ұлттық ұлан бас қолбасшысының орынбасарының құқыққа қайшы әрекет жасады деген күдікпен ұсталғанын растайды.
Тергеу әрекеттерін құзыретті органдар Ішкі істер министрлігімен бірлесіп жүргізеді. Министрлік өз қатарында сыбайлас жемқорлықтың кез келген көріністеріне төзбейтін принципті ұстанымын білдіреді, осыған байланысты қолданыстағы заңнама аясында объективті және жан-жақты тергеу жүреді», – деп хабарлады ІІМ баспасөз қызметі.
