Қазақстанмен де тығыз қарым-қатынас орнатқымыз келеді — Дэвид Кэмерон
Сыртқы істер министрлігінде Қазақстан мен Ұлыбританияның сыртқы саяси ведомстволары басшыларының келіссөздері өтті.
Астана, NEGE. Кездесу барысында еліміздің Сыртқы істер министрі Мұрат Нұртілеу мен Дэвид Кэмерон шағын және кеңейтілген құрамдағы келіссөздер жүргізіп, екіжақты құжаттарға қол қойды.
Фото:gov.kz
М.Нұртілеу бұл кездесудің еліміз үшін маңызды екенін және Ұлыбританиямен жан-жақты стратегиялық әріптестікті нығайтуға дайын екенімізді жеткізді.
Сондай-ақ Ұлыбритания Сыртқы істер министрі «Ұлыбритания Қазақстанға алғашқылардың бірі болып инвестиция құйған елдердің бірі. Біз экономикалық бағытта қарқынды ілгерілеушілікке қол жеткіздік. Әсіресе мұнай саласында үлкен жетістіктеріміз бар. Менің ойымша, осы бағыттағы әріптестік аясы кеңейе бермек», деді.
Сондай-ақ бүгін британиялық делегацияның Мемлекет басшысы Қасым-Жомарт Тоқаевпен кездесуі жоспарланған.