Дүние
Вьетнамда миллиардтаған доллар жымқырған әйел өлім жазасына кесілді
Вьетнамдағы ең бай әйелдердің бірі Труонг Май Лан алаяқтық ісі бойынша өлім жазасына кесілді, деп хабарлайды «24.kz».
Алматы, NEGE. Ол 11 жыл бойы елдегі ең ірі банктердің бірін алдап, 12,5 млрд долларды қолды қылған. Мұндай алаяқтық ел тарихында бұрын-соңды болмаған. Оның әрекетінен келген шығын көлемі 27 млрд долларға бағаланып отыр.
Жергілікті БАҚ өкілдерінің хабарлауынша, даулы іске байланысты 2700 адам сотқа шақырылып, 10 мемлекеттік айыптаушы мен 200-ге жуық адвокат қатысқан. Айғақ заттар салмағы 6 тонна болатын 104 жәшікке салынған. Труонг Май Лан-мен бірге тағы 85 адам сотқа тартылып, үкімін күтіп жатыр.