Қазақстандағы уақыт белдеуінің өзгеруіне қарсылық: петиция 50 мың қол жинады
E-Petition.kz ресми порталында жарияланған Қазақстандағы уақыт белдеуінің өзгеруіне қарсылық туралы петиция қарау үшін қажетті дауыс санын жинады, - деп хабарлайды Tengrinews.kz.
Алматы, NEGE. Әкімшілік рәсімдік-процестік кодексінің 90-4-бабына сәйкес, 50 мың қол жинауына байланысты петиция өз құзыреті бойынша қарау үшін Сауда және интеграция министрлігіне беріледі.
Сауда министрлігі Қазақстан Республикасы ӘРПК-нің 90-5-бабына сәйкес өтінішті қарау мерзімі ол тіркелген күннен бастап 40 жұмыс күніне дейін екенін хабарлады.
"Сауда және интеграция министрлігі мүдделі тараптардың, мемлекеттік органдар мен қоғамдық бірлестік өкілдерін қамтитын жұмыс тобын ұйымдастырады. Өтінішті қарау процесі заң талаптарына сәйкес жүргізіледі", - делінген хабарламада.
