Қазақстан құрамасы көркем жүзуден олимпиада жолдамасына ие болды
Қазақстандық Ясмин Тұяқова мен Арина Пушкина Парижде өтетін Олимпиадаға көркем жүзу спорт түрі бойынша лицензияны жеңіп алды, деп хабарлайды inbusiness.kz.
Астана, NEGE. Спортты дамыту дирекциясының баспасөз қызметінен мәлім еткеніндей, командалық сайыс қорытындысы бойынша Париж олимпиадасының 5 жолдамасы ойнатылып, АҚШ, Испания, Жапония, Италия, Канада елдеріне квота бұйырды.
Ал командалық сайыста жолдама алған мемлекеттер дуэт сайысында да автоматты түрде қатысады. Қалған квоталар 5 құрлықтың үздіктеріне үлестіріледі.
Осыған орай дуэт бағдарламасында Азия құрлығынан ең үздік нәтиже көрсеткен Қазақстан құрамасы Париж олимпиадасында бақ сынауға мүмкіндік алды.
Сөйтіп Ясмин Тұяқова мен Арина Пушкина жұбы Ханчжоудағы жазғы Азия ойындарының қорытындысы бойынша олимпиадаға өтті.
Ханчжоуда аталмыш жұп қола жүлдегер атанған болатын.
Қазір оқып жатыр
Перизат Қайраттан тәркіленген тағы бір Mercedes сатылымға шығарылды
Көкшетауда жүргізуші куәлігінсіз адам қағып кеткен әйелдің жазасы кейінге қалдырылды
Ресейде Қазақстаннан жеткізілген көліктер үшін 1 млн рубльге дейін қосымша төлем талап етілуде
Францияда аптап ыстықта көлікте қалған екі бала көз жұмды
