Нұрғали Нүсіпжановқа жаңа атақ берілді
Бұл туралы Алматы облысының әкімдігі хабарлады.
Алматы, NEGE. Белгілі әнші Нұрғали Нүсіпжанов Алматы облысының «Құрметті азаматы» атанды.
«ҚР халық әртісі, мемлекеттік сыйлықтың лауреаты, "Құрмет", "Парасат" ордендерінің иегері Нұрғали Нүсіпжановтың туған күні. Осы орайда ән өнерінің дарабозын Алматы облысының әкімі Марат Елеусізұлының атынан құттықтап, облыстың «Құрметті азаматы» атағын табыстадық», – делінген Алматы облысының әкімдігінің ақпаратында.