Семейде бір күн бұрын жоғалып кеткен оқушы табылды
19 шілдеде жоғалып кеткен үшінші сынып оқушысы аман-есен табылды.
Алматы, NEGE. Оны полицейлер, еріктілер және қала тұрғындары іздеген болатын.
"Іздеу қараусыз қалған ғимараттарда да, ойын-сауық орындарында да жүргізілді. Іздестіру іс-шараларын жүргізу кезінде тәртіп сақшылары Восточный кентінің ауданынан оқушыны тапты", - деп хабарлады полиция.
Бала полиция бөліміне жеткізіліп, онымен әңгіме жүргізілді.
Бала психологтың қарауынан кейін ата-анасына тапсырылды.