3 Сәуір 09:33
Сенаттың тұңғыш төрағасы Өмірбек Байгелді қайтыс болды
Белгілі мемлекет және қоғам қайраткері Өмірбек Байгелді қайтыс болды, деп хабарлады ҚР Парламенті Сенатының баспасөз қызметі.
Алматы, NEGE. Өмірбек Байгелді 1996-1999 жылдар аралығында парламенттің жоғарғы палатасын басқарған.
Өмірбек Байгелді 1939 жылы Жамбыл облысының Қызыл-Октябрь ауылында дүниеге келген. Еңбек жолын Жамбыл облысы Жамбыл ауданының Қызыл-Октябрь колхозында жұмысшы болып бастаған.
1990 жылдары Жамбыл облыстық атқару комитетінің төрағасы, Жамбыл облысының әкімі, Қазақстан Республикасы Президентінің кеңесшісі болды.
«Ол бірінші, екінші, үшінші және төртінші шақырылымдардың депутаты болды. Сенатта 16 жылдан астам қызмет етті», - делінген хабарламада.
Қоштасу рәсімі туралы ақпарат қосымша хабарланады.
