Қазақстанда Ұлттық қауіпсіздік қызметкерлері кәсіби мерекелерін атап өтуде
13 шілде күні Қазақстанда мемлекеттің қауіпсіздігі мен егемендігін қамтамасыз ету жүйесінің құрамдас бөлігі саналатын республиканың ұлттық қауіпсіздік органдарының қызметкерлері кәсіби мерекесін атап өтеді, деп хабарлайды Kazinform.
Астана, NEGE. 1992 жылы 13 шілдеде Қазақстан Республикасы Президентінің Жарлығымен Қазақстан Республикасының Ұлттық қауіпсіздік комитеті (ҰҚК) құрылды.
Осы күннен бастап қазақстандық ҰҚК тарихының жылнамасы басталады және бұл күн жыл сайын кәсіби мереке ретінде аталып өтеді.
Бұған дейін ҚР Ұлттық қауіпсіздік комитетінің төрағасы Ермек Сағымбаев Kazinform агенттігіне берген сұхбатында террористік актілердің алдын алу шаралары, геосаяси тұрақсыздық жағдайында Қазақстан экономикасы үшін қауіптер, киберқауіпсіздікті қамтамасыз ету, ҰҚК-де жұмысқа орналасу және т.б. туралы айтып берген болатын.
