«Қоғамдық бақылау туралы» Заң күшіне енді
«Қоғамдық бақылау туралы» Заңға сәйкес азаматтар түрлі нысандарда қоғамдық бақылауды жүргізу арқылы мемлекет ісін басқаруға қатысатын болады.
Алматы, NEGE. Заң қоғамдық бақылауды жүзеге асырудың негізгі ережелері мен принциптерін белгілейді.
Заңның басты негіздерінің бірі –объектілердің, қоғамдық бақылау субъектілерінің заңдылығы, жариялылығы, ашықтығы, тәуелсіздігі сияқты бірқатар маңызды қағидаттарды бекіту болып саналады.
Мәдениет және ақпарат министрлігі «Қоғамдық бақылау туралы» Заңның негізгі новелласы бойынша ақпараттық-түсіндіру жұмыстарын жүргізуде.
Астана, Алматы, Шымкент қалаларының және барлық облыс әкімдіктері мен мәслихаттарының өкілдері үшін бірқатар семинарлар жүргізілді.
Семинарлар қоғамдық кеңестердің мүшелері, үкіметтік емес ұйымдардың өкілдері үшін де ұйымдастырылатын болады.
