Допты хоккей: «Ақжайық» тағы бір қарсыласын ұтты
Допты хоккейден жоғары лига командалары арасында бүкілресейлік жарыста Оралдың «Ақжайығы» «Жастар» стадионында «Волга-Черемшан» (Ульяновск) командасын қабылдады.
Орал, NEGE. Оралдық маман Николай Шавалдиннің хоккейшілері қарсыластарын 6:3 есебімен тізе бүктірді. «Ақжайық» сапынан Максим Пахомов 4 голдың авторы атанса, Артем Лапшин тағы екі допты енгізді.
Қонақ командадан Данила Арапов 2, Андрей Терехов 1 гол соқты. Осылайша, 21 ойыннан кейін 51 ұпай жинаған «Ақжайық» өз тобында бұрынғыша көш бастап келеді. Ертең қос команда екінші ойынын өткізеді.
