Месси мен «Барселонаның» келісімшарты бар майлық $965 мыңға сатылды
Лионель Месси мен «Барселона» арасындағы алғашқы келісімшарт жазылған майлық аукционға қойылып, шамамен 1 миллион долларға сатылып кетті, деп хабарлайды 24.kz.
Алматы, NEGE. Бұл туралы британиялық «Бонхамс» аукцион үйінің ресми сайтында хабарланды. Бірақ оны кім иеленгені белгісіз. 2000 жылы 13 жастағы аргентиналық футболшы «Барселона» өкілдерімен алғаш кездескен еді. Клубтың сол кездегі спорт директоры Карлес Рексач егер екі тарап келіссе, Месси бірден қол қоятынын айтты. Алайда қағаз болмағандықтан, Лионель майлыққа қол қойып, енді «Барселонаға» тиесілі ойыншы екенін растаған болатын. Айта кетейін, аргентиналық ойыншы каталондық клубтан 2021 жылы кетті. Қазіргі уақытта 36 жастағы Месси америкалық «Интер Майамиде» өнер көрсетеді.