Алматы облысында өртенген жер үйден ер адамның денесі табылды
Алматы облысында түнде үй өртеніп, салдарынан бір адам қаза тапты.
Алматы, NEGE. Алматы облысы Төтенше жағдайлар департаментінің мәліметінше, 25 ақпан түнгі сағат 02:49-да Райымбек ауылдық округіндегі саяжай қоғамдастығының тұрғын үйінде өрт шыққан.
Өрт 68 шаршы метр аумақты шарпып, үйдің төбесі опырылып түскен.
«Сағат 04:00-де өрт оқшауланып, 05:03-те сөндірілді. Барлау жұмыстары барыснда үй иесінің денесі табылды», - делінген Төтенше жағдайлар департаментінің хабарламасында.
Мамандардың алдын ала бағалауы бойынша, өрт электр тоғының қысқа тұйықталуынан шыққан. Өртті сөндіруге ТЖД, полиция, жедел жәрдемнің 20 қызметкері мен 6 техникасы жұмылдырылды.
Қазір оқып жатыр
Алматы және Алматы облысында электр энергиясы тарифін 8,3%-ға көтеру ұсынылды
Әбілқасымованы отставкаға жіберу туралы петицияға агенттік жауап берді
Таиландтан сәлемдеме алып жүрген алматылық жігіт 16 жылға сотталды
Ресейде кәмелетке толған азаматтарға әке-шешесін ата-ана құқығынан айыруға рұқсат етілмек
