Сағынтаевтың бұрынғы күйеу баласының дүние-мүлкі мемлекет қарамағына өтті
Шымкент қалалық прокуратурасы 5,9 миллиард теңгенің мүлкі мен үлесін қайтарғанын хабарлады.
Алматы, NEGE. «Шымкент қаласының прокуратурасымен 2024 жылдың I-жартыжылдығында экономикалық ресурстарды монополиясыздандыру саласында жалпы құны 5,9 млрд теңге болатын мүлік және акциялар мемлекетке қайтарылды. Осылайша, сот азамат Б. Ибрагимнің қылмыстық жолмен алған жер учаскесі мен құрылыстарды мемлекетке қайтару туралы қала прокуратурасының талап арызын қанағаттандырды. Бағалау қорытындысына сәйкес құны 357,7 млн теңге болатыны көрсетілген жылжымайтын мүлік Шымкент қаласы мемлекеттік мүлік және жекешелендіру департаментіне берілді», – делінген хабарламада.
Бақыт Ибрагим Бақытжан Сағынтаевтың бұрынғы күйеу баласы ретінде танымал. Ол банктен ақша жымқырды деген айыппен сотталып, түрмеден шыққан соң өз-өзіне қол жұмсаған.