Қасым-Жомарт Тоқаев Мәскеудегі Жеңіс шеруіне қатысты
Мәскеуде Жеңістің 79 жылдығына арналған әскери шеру өтті.
Алматы, NEGE. Салтанатты шараға барлығы 9 президент қатысты: Қазақстан – Қасым-Жомарт Тоқаев, Ресей – Владимир Путин, Беларусь – Александр Лукашенко, Гвинея-Бисау – Оумар Сисоку Эмбало, Куба – Мигель Диас-Канель, Қырғызстан – Садыр Жапаров, Лаос – Тонглун Сисулит, Тәжікстан – Эмомали Рахмон, Түркіменстан – Сердар Бердімұхамедов.
Армения премьер-министрі Никол Пашинян мен Әзірбайжан президенті Ильхам Әлиев Мәскеудегі Жеңіс парадына қатысудан бас тартты.
Айта кетейік, Қазақстандағы соңғы салтанатты әскери шеру 2018 жылдың 7 мамырында өткен болатын. Биыл да әскери шеру өткізу жоспарланбады. Қорғаныс министрлігі бұл шешім бюджетті үнемдеу негізінде қабылданғанын мәлімдеді.
