Қазақстандық ауыр атлет Азия біріншілігінде күміс медаль жеңіп алды
Өзбекстан астанасы Ташкент қаласында өтіп жатқан ауыр атлетикадан Азия чемпионатында қазақстандық атлет Александр Уваров ерлер арасында 81 келіге дейінгі салмақта күміс жүлдегер атанды, деп хабарлайды Kazinform.
Алматы, NEGE. Ол жұлқа көтеруде 153 келіні бағындырса, серпе көтеруде 166 келіні бағындырып, қоссайыс қорытындысы бойынша 343 келі көрсеткішпен 2-орынды иеленді.
Естеріңізде болса, Александр Уваров Ханчжоу-2022 Азия ойындарында қола медаль жеңіп алған болатын. Міне, бүгін Азия чемпионатында тағы да жүлделі орындардан өзін көрсете білді.
Бүгін сондай-ақ аталған салмақ санатында тағы бір ауыр атлетіміз Әлібек Рақымберді де сынға түскен болатын. Ол Сарықұрлық додасын 7-орынмен аяқтады. Осы салмақ дәрежесінде Азия чемпионы атағын солтүстік кореялық Ри Чонг Сонг 369 келіні (169+200) бағындырса, қола жүлдеге түркіменстандық Гайгісіз Тураев қол жеткізді.
Қазір оқып жатыр
Алматы, Шымкент, Түркістан және Ұлытау ЭКСЖ ұлттық жобасы бойынша артта қалды
Бозымбаев: Коммуналдық желілердің тозуын 2029 жылға дейін төмендетуіміз керек
Таразда 19 жастағы қызды алып қашқан Алматы облысының үш тұрғынына үкім шықты
Алматыда полицейлер жүзден астам автобусты айыппұл тұрағына алып кетті
