26 Наурыз 08:42
...
Кіші Аягөз өзенінде су деңгейі көтерілді
Аягөз қаласында қардың еруіне және күннің күрт жылынуына байланысты Кіші Аягөз өзенінде су деңгейінің көтерілгені байқалады, деп хабарлады ТЖМ.
Алматы, NEGE. Жергiлiктi атқарушы органдар Шәкенов және Желтоқсан атты екi көшедегі судың деңгейi одан әрi көтеріліп, арнасынан асуы жағдайына дайындық мақсатында бөгет салу бойынша алдын алу шараларын жүргізуде. Жұмысқа 14 адам, 6 бірлік техника жұмылдырылған.
Қазіргі уақытта үйлерді су басу қаупі жоқ. Судың елді мекендерге одан әрі жайылуына жол бермеу үшін қауіпті аймаққа 400 тонна инертті материал жеткізілді.
Жағдай күрделенетін болса, Аягөз қаласы ТЖ бөлімінің күштері мен құралдары толық әзірлікте тұр.
