Жол-көлік оқиғасынан жүргізуші көз жұмды
Ақтөбе облысында жол-көлік оқиғасы болды, жүргізуші ауруханада көз жұмды, – деп хабарлайды Polisia.kz.
Алматы, NEGE. 18 маусым сағат 07.30-да Темір ауданының тұрғыны “ВАЗ-2112” автокөлігінің 59 жастағы жүргізушісі Шұбарши кенті жағынан Балуан көшесі бойымен Кеңқияқ ауылы бағытында, Кеңқияқ ауылының “СНПС-Ақтөбемұнайгаз” жанында қарсы бағытқа шығып кетіп, Шұбарқұдық ауылының 39 жастағы тұрғынының басқаруындағы “ВАЗ-2114” автокөлігімен соқтығысқан.
Жол-көлік оқиғасы қорытындысында “ВАЗ-2112″ автокөлігінің жүргізушісі алған жарақаттарынан Темір ауданы Кеңқияқ ауылының орталық ауруханасында көз жұмды,
“ВАЗ-2114” автокөлігінің жүргізушісі мен екі жолаушысы Кеңқияқ ауылының орталық ауруханасына жатқызылды. Медициналық куәландыру қорытындысына сәйкес, “ВАЗ-2114 “автокөлігінің жүргізушісі “жеңіл ” дәрежелі алкогольдік масаң күйде көлікті басқарған. Сот-медициналық және автотехникалық сараптамалар тағайындалды. Аталған факті бойынша ҚР ҚК 345-бабы 3-бөлімі бойынша сотқа дейінгі тергеу басталды (абайсызда адам өліміне әкеп соққан іс-әрекет).
Полиция департаменті барлық жол қозғалыс атысушыларынан жолдарда белгіленген тәртіп ережелерін сақтауды, бір-біріне құрметпен қарауды сұрайды.