Жолдардың жабылуына байланысты адамдар пойызбен тасымалданды
Төрт өңірде тас жолдардың жабылуына байланысты шамамен 400 адам пойызбен тасымалданды, деп хабарлады Қазақстан теміржолы.
Алматы, NEGE. "Сарыбель, Екібастұз, Ерейментау және Бурабай курорты станцияларынан Ұлттық тасымалдаушының пойыздарымен шамамен 400 жолаушы тасымалданды. Тасымалдау жұмыстары жалғасып жатыр", - делінген хабарламада.
Ұлттық тасымалдаушы азаматтарды қауіпсіздік шараларын қатаң сақтап, аса қажеттілік болмаған жағдайда ұзақ сапарлардан бас тартуға шақырады.