Жыланбаевтың өміріне қауіп төнген бе?
Әйгілі марафоншы Марат Жыланбаев жұбайымен телефон арқылы сөйлескенде өз өміріне алаңдайтынын айтқан.
Алматы, NEGE. Ал әйелі мұны адвокат Мейіржан Досқараевқа жеткізген. Марафоншы түрмеде өзіне қарсы басқа сотталғандардың тарапынан арандатушылық пен қысым көрсетіліп жатқанын мәлімдеген.
Бұл оған түрме жазасын қосу немесе оның денсаулығы мен өміріне зиян келтіру үшін жасалуы мүмкін.
Еске сала кетейік, Астана қаласының қалалық соты тіркелмеген оппозициялық "Алға, Қазақстан!" партиясының көшбасшысы Марат Жыланбаев апелляциялық шағымы бойынша шешім шығарған еді, Астананың қылмыстық істер жөніндегі соты Марат Жыланбаевты былтыр қарашада жеті жылға соттады. Оған “тыйым салынған ұйымның қызметіне қатысты” және “терроризмді қаржыландырды” деген айып тағылған.