Жетісу облысында сұңқарды қолда заңсыз ұстаған тұрғын анықталды
Жетісу облысында полицейлер сұңқарды заңсыз ұстаған азаматты анықтады, деп хабарлайды Polisia.kz.
Алматы, NEGE. Жетісу облысында криминалдық полиция басқармасының қызметкерлері "Браконьер" жедел-профилактикалық іс-шарасы аясында сәтті операция жүргізді. Нәтижесінде Кербұлақ ауданының тұрғыны ұсталды. Ол өз үйінде екі сұңқар мен қолдан жасалған ау ұстағыш торды заңсыз сақтап келген.
Аталған жағдай бойынша еліміздің Қылмыстық кодексіне сәйкес, сирек кездесетін және жойылып кету қаупі бар жануарларды заңсыз ұстау дерегі бойынша сотқа дейінгі тергеу басталды. Тәркіленген құстар арнайы мамандардың қарауына беріліп, қазіргі уақытта олардың жағдайы бақылауда.