Жетісу облысында ежелгі қала табылды
Жетісу облысында "Петроглиф аңшылары" қоғамдық қорының командасы ортағасырлық қаланы тапты.
Алматы, NEGE. "2025 жылдың 6 маусымы. Күн текке кеткен жоқ... Барлығы іздеп жүрген ортағасырлық қаланы тапқан сияқтымыз! Бұл туралы жазба деректерде бар. Археологтарға хабарланды", - деп жазды қор қызметкері Ольга Гумирова желідегі парақшасында.
Алдымен қор қызметкерлері карьердегі кірпіш қалдықтарын, мұнараны, содан кейін ортағасырлық кірпіштен қаланған қабырғаны көрген.
"Қала моңғол шапқыншылығы кезінде өртелген. Жалпы ескі қаланың орны Талхиз немесе Қойлық қаласымен тең... Бұл қандай құрылыс екені талқыланып жатыр. Оны анықтаймыз", - деп атап өтті Ольга Гумирова.