Жемқор басшы ұсталды
Қызылорда облысында полиция департаментінің есірткі қылмысына қарсы іс-қимыл басқармасының бөлім басшысы пара алды деген күдікке ілінді, – деп хабарлайды арнайы агенттік.
«Сыбайлас жемқорлыққа қарсы іс-қимыл агенттігінің Қызылорда облысы бойынша департаменті облыстық полиция департаментінің жеке қауіпсіздік басқармасымен бірлесіп, өңірдегі полиция департаментінің есірткі қылмысына қарсы іс-қимыл басқармасының бөлім басшысын сыбайлас жемқорлық қылмысын жасау барысында әшкереледі. Ол есірткі құралдарын өндіру кезінде қамқорлығы үшін 500 мың теңге сомасында пара алды деген күдікке ілінді», – делінген хабарламада.